Maşgalasynda zuluma sezewar bolan adama kömek etjek bolnanda, DOGRY we NÄDOGRY hereketlerden habardar bolmaly.
Ilkinji nobatda göz öňünde tutulmaly zatlar:
▷ Zorlugyň pidalary köplenç özlerini ýeke we çykgynsyz ýagdaýda duýýarlar. Meseläniň çözüminiň bardygyny bilseler-de (polisiýa, krizis merkezleri), kömek soramakdan çekinýärler ýa-da adalata ynanmaýarlar.
▷ Size çeken ezýeti barada gürrüň berse, hökman diňläň we goldaw beriň. Onuň üçin howpsuz şertleri dörediň.
▷ Täze wezipeleriň/ýumuşlaryň/kararlaryň öňünde özüni güýçsüz duýýanlygy sebäpli, pida siziň maslahatlaryňyzy we kömegiňizi kabul etmän biler. Şonda-da, ondan ýardamyňyzy gaýgyrmaň. Emma, aşa tutanýerlilikden we ýazgarmakdan saklanyň. Sabyrly boluň!
Onuň ýagdaýyna düşünýändigiňizi we goldaýandygyňyzy bildiriň:
▷ "Ýagdaýy gürrüň bereniň gowy boldy".
▷ "Başyňa gelenler örän agyr ekeni".
▷ "Düşen ýagdaýyňa gaty gynanýaryn we seniň howpsuzlygyňy alada edýärin".
▷ "Munda seniň (hiç-hili) günäň ýok". we ş.m.
Kömege taýýardygyňyzy görkeziň:
▷ "Saňa nähili kömek edip bilerin?"
▷ "Özüňi howpsuz duýmagyň üçin nämeler gerek?"
▷ "Nädip şunça wagtlap ýeke özüň çekip-çydadyň?"
Edil şu wagt nämeleriň zerurdygyny soraň:
▷ Howpsuz galmana ýeri barmy? Gerek bolsa, polisiýa ýa-da krizis merkezlerine bile jaň ediň.
▷ Onuň maddy ýagdaýy nähili? Näme kemçiligi bar? Oňa nädip kömegiň deger (egin-eşik, iş gözlemek we ş.m.).
▷ Zulumkeş barada gürrüň edende, zulumkeşiň tarapyny çalmaň.
▷ Zorlugy hiç zadyň aklamaýandygyny nygtaň.
Her kim kemçilik goýberip biler, emma bu hiç kime zorluk ulanmaga hukuk bermeýär!
Использование и распространение материалов рекомендуется, однако, воспроизводство и публикации копий материалов не могут быть использованы в коммерческих целях. Дальнейшее использование разрешается в соответствии с условиями лицензии Creative Commons.
Use and dissemination of the materials is encouraged; however, reproduction and cross-posting of copies may not be used for commercial purposes. Further usage is permitted under the terms of the Creative Commons License.
Materiallary ulanmak we ýaýratmak maslahat berilýär. Emma materiallaryň göçürme nusgalaryny gazanç maksady bilen gaýtadan işläp çap etmek gadagandyr. Bu materaillary mundan beýläk Creative Commons lisenziýasynyň şertlerine laýyklykda ulanmak rugsat edilýär.