ÇAGA ÝAN SUWLARYNYŇ HAPALANMAGY
Hormatly okyjy!
Çaganyň ýan suwlarynyň hapalanmagy onuň dowamly kislorod ýetmezçilikli ýagdaýa düşenliginden habar berýär. Enäniň dürli keselleri- ýörek-damar we peşew-çykaryş ulgamynyň keselleri, gan azlylyk, süýji keseli, dürli ýokançlyklar ene-çörekçe-çaga gan aýlanşygynda bozulmalaryň döremegine getirip, kislorod ýetmezçiliginiň sebäbi bolýandyr. Kislorod ýetmezçiligi çaganyň artbujagynyň gysylyp, ilkinji çaga täretiniň-ýaşylymtyl reňkli mekoniniň çykyp ýan suwlarynyň hapalanmagyna getirýär.
Bu ýagdaýyň bejergisinde sebäp bolan keseli bejermek, ýatgy-çaga gan aýlanşygy gowulandyrýan (aktowegin, trental), çörekçäniň kislorody kabul edişini ýeňillerşdirýän(essensiale), kislorod üpçünçiligini ýokarlandyrýan (glýukoza, C witamini, E witamini) serişdeleri kabul etmek peýdaly netijeleri berer. Bejergi tapgyry geçenden soň, gaýtadan çaganyň ultrases barlagyny, 19-24 hepde aralygy doppler barlagyny geçme, çaganyň we onuň ýan suwlarynyň, gan aýlançygynyň ýagdaýyna gözegçilik etmäge kömek eder. Öz lukmanyňyzyň gözegçiliginde boluň.
Hormat bilen, saýtyň lukmany.
- 4187 gezek okalan