GÖWRELILIGIŇ ÖŇÜNI ALYŞ GERDEJIKLERINIŇ ÝENE BIR PEÝDALY TÄSIRI BELLI BOLDY.

Soňky ýyllarda alymlaryň arasynda göwreliligiň öňüni alyş gerdejiklerini ulanmagyň rak keselini döretme töwekgelçiligini ýokarlandyrýandygy barada pikir ýörgünlidi. Ýöne Aberdina Uniwersitetiniň alymlary tarapyndan geçirlen barlaglar, bu gerdejikleri ulanmagyň ýumurtgalygyň, ýatgynyň we içegeleriň rak keseliniň öňüni almakda ýokary netijeleri görkezendigini belli etdi.Kontraseptiw gerdejikler Şa kolledžiniň lukmanlary tarapyndan 1968-nji ýyldan başlap berildi we ondan soň olary kabul eden 46 müň aýal bu serişdeleriň uzakmöhletleýin täsirlerine syn etdiler.

Geçirlen tejribe, belli bir möhletiň dowamynda kabul edilen gerdejikleriň içege ragy bilen keselçiligi 19%, ýatgynyň ragy bilen keselçiligi 34%, we ýumurtgalyklaryň ragyny 33% çenli peseltmäge mümkinçilik berendigini görkezdi.

Tejribä gatnaşan lukman Liza Iwersonyň bellemegine görä, kontraseptiw gerdejikleri kabul edýän aýallarda ragyň döreme töwekgelçiligi pesdir we ragyň käbir görnüşlerinden goraglylyk azyndan 30 ýyla çenli dowam edip biler.