Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.
102 SORAGA JOGAP
"Näme üçin meniň bedenim özgerýär?" "Halaýan adamymyň ýanynda nähili bolsam gowy bolar?" Ýetginjeklik dünýäsiniň çylşyrymly ýollaryndan geçmek ýeňil syýahat däl. Soraglar, näbellilikler we käte döräp bilýän utanç duýgusy durmuşyňa oňaýsyzlyk gatyp, keýpiňe, okuwa ýetişigiňe we gatnaşyklaryňa täsir etmegi mümkin. Eger özüňde bolup geçýän çuňňur fiziki, emosional we sosial özgermeler seni näçe geň galdyrsa-da, ululardan maslahat ýa sorag soramaga ýaýdanýan bolsaň, onda dogry ýere gelipsiň.
Biz bu ýygyndyda ýetginjekleriň mugallymlaryndan we ene-atalaryndan soramaga utanýan 102 soragynyň jogaplaryny bir ýere jemledik. Bu sorag-jogaplar seksuallyk we jynsy özgerişden başlap, aýbaşa, göwreliligiň öňüni almaga, jynsy gatnaşyklar arkaly geçýän kesellere we zyýanly endiklere degişli esasy maglumatlary öz içine alýar. Sorag soramak ulalmagyň we şahsyýet hökmünde kämilleşmegiň adaty bölegidir. Sen soraglaryň ýüze çykýandygy üçin ýa-da olary soraýandygyň üçin hiç biynjalyk bolmaly dälsiň. Biz Saglykda diňe maglumat paýlaşman, eýsem seniň gorkudan we utançdan azat sorap we öwrenip bilmegiň üçin howpsuz gurşaw hödürleýäris. Biziň jogaplarymyz hünärmen lukmanlar tarapyndan taýýarlanyldy we medisina, ylma we döwrebap jynsy terbiýäniň standartlaryna esaslanýar.
Biz bu ýygyndy seniň ýetginjeklik döwrüň ýüküni ýeňledip, özüňe bolan ynamyňy berkitmäge we düşünjeli kararlary bermäge kömek eder diýip umyt edýäris. Unutma: sen bu syýahatda ýeke dälsiň! Özüň ýaly ençeme ýetginjekler hem bilesigelijiligini kanagatlandyrmagyň gözleginde. Olara kömek etmek isleseň bu ýygyndyny deň-duşlaryň bilen paýlaş. Şeýle-de, eger jogabyny tapyp bilmedik goşmaça soraglaryň bar bolsa, olary bize This email address is being protected from spambots. You need JavaScript enabled to view it. emailinden ýollap bilersiň we biz olary lukmanyň jogaplary bilen birlikde anonim (atsyz) görnüşde saglyk.org saýtymyzda çap ederis.
Saglykda öwrenmegiňi arzuwlamak bilen,
Saglyk topary
- 89 gezek okalan
