TEHNOLOGIÝALARY ABORTY ÇÄKLENDIRMEK ÜÇIN ULANMAK

Mobil aýbaşy kalendarlary, awtoulag belgileri we göwreliligi hasaba alýan ýazgylar aborta garşy göreşmek üçin ulanylýar we bu abort etdirmek isleýänleri gorkuzýar.

↪ Polşa abortlaryň sanyny çäklendirmek üçin göwrelileri yzarlaýan maglumatlar bazasyny ornaşdyrdy.

↪ ABŞ-da aktiwistler awtoulag belgisini okaýan "Flock" atly tehnologiýanyň abort etdirmek isleýänleri yzarlamak üçin ulanylmagyndan gorkýarlar.

↪ Ýurtdaky işçi güýjüni artdyrmaga ymtylýan Hytaý "lukmançylyk taýdan zerur däl" hasaplanýan abortlaryň öňüni almak üçin berk gözegçilik çärelerini güýje girizmegi mümkin.

Adam hukuklaryna gözegçilik edýän gurama HRW-nyň Hytaý boýunça uly gözlegçisi Yaqiu Wangyň bellemegine görä "Jemgyýetçilik basyşy hem örän güýçli bolup biler. Bu diňe syýasat barada däl, eýsem aborty goldamaýan propaganda we gurşaw barada". Aborta bolan şeýle garşylyk Hytaýdan başlap Polşada, Wengriýada, Latyn Amerikada we ABŞ-da has güýçlenýär.

Çeşme