"BETNEBIS" ÇAGA IÝMITI SENAGATY

The Lancet žurnalynyň çagany ene süýdi bilen iýmitlendirmäge bagyşlan hasabatlar toplumyna görä, emeli çaga iýmitini (formula) öndürýän kompaniýalar satuwy köpeltmek üçin ene-atalaryň duýgularyny ekspluatasiýa edýän we ylmy maglumatlary manipulirleýän marketing taktikalaryny ulanýarlar.

12 ýurtdan 25 eksperdiň gatnaşmagynda taýýarlanan bu hasabatlar toplumy çaga iýmitini çykarýan kompaniýalaryň "betnebis taktikalarynyň" millionlarça aýalyň ene süýdi bilen iýmitlendirmegine böwet bolýandygyny görkezdi.

Netije: Bütin dünýäde bäbekleriň diňe ýarysyndan azy maslahat berlişi ýaly ene süýdi bilen emdirilýär.

Çaga iýmitiniň marketinginde müşderi çekmek üçin manipulýatiw, esassyz maglumatlar ulanylýar:

↪ Çaga iýmiti ynjalyksyzlanma, uky bozuklygy we beýleki çaga ösüşindäki adaty meseleleri ýeňledýär;

↪ Enelik rugsady berilmeýän işçi eneler üçin çaga iýmiti oňaýly çözgütdir;

↪ Çaga iýmitiniň daşyndaky ýazgylarda onuň beýniniň ösüşine we intellektual zehine peýdalary baradaky setirleri görmek bolýar.

Syýasy şowsuzlyklar: BSGG-nyň çaga iýmitiniň marketingini gadagan edýän meýletin halkara düzgünleri kabul edendigine garamazdan, düzgünler giňden bozulýar.

Üýtgeşmä itergi: Hasabatyň awtorlary çaga iýmitiniň marketingini we peýda maksatly çärelerini düzgünleşdirmek üçin halkara ylalaşyklary baglaşmaga çagyrýarlar. Şeýle hem, ene süýdi bilen iýmitlendirmegi goldamak we artdymak üçin ýeterlikli enelik rugsadyny bermek ýaly sosial üýtgeşmeleri girizmäge çagyrýarlar.