BIRLEŞEN PATYŞALYK TÜRKMENISTANA GENDER-ESASLY ZORLUGA KANUNY ÇÄRE GÖRMEGI BERK ÜNDEÝÄR

2023-nji ýylyň 13-nji iýulynda Wenada geçirilen diňlenişikde Ýewropada howpsuzlyk we hyzmatdaşlyk guramasyna (ÝHHG) Birleşen Patyşalygyň delegasiýasynyň orunbasary Deirdre Brown ÝHHG-nyň Türkmenistanda alyp barýan işleri, esasan-da serhet mümkinçilikleri, gender deňligi we klimat meselelerinde Birleşen Patyşalygyň goldawy hakynda gürrüň berdi.

Hanym Brownyň aýtmagyna görä, Aşgabatdaky ÝHHG merkezi Türkmenistandaky taslamalarynyň sanyny we täsirini, esasan-da aýal gatnaşyjylaryna ýetirýän täsirini artdyrdy.

"Gender deňligini öňe sürmekde we öýdäki zorlugyň pidalaryna ýardam bermekde edilýän işleriň dowam edendigine begenjimizi bildirýäris. Birleşen Patyşalyk UNFPA-nyň üsti bilen gender-esasly zorluk ugrunda we pidalara goldaw bermekde iş alyp barýar hem-de gender meseleleri boýunça hereket edýän toparyň ýolbaşçylarynyň biri bolup hyzmat edýär. ÝHHG merkeziniň bu topar bilen işleşip bilýändigi bizi begendirýär. Muňa garamazdan, Birleşen Patyşalyk Türkmenistana gender-esasly zorluga çäre görmegi berk ündeýär we biz türkmen resmilerine degişli kanunlary kabul etmegi ündeýäris".

Galyberse-de, hanym Brown Birleşen Patyşalyk bilen Türkmenistanyň ýakyn we önjeýli gatnaşygynyň bardygyny belläp, bu ýyl Türkmenistan bilen ikinji ýyllyk Strukturaly dialogyň geçirilendigini aýtdy. BP-nyň adam hukuklary, howpsuzlyk, klimat, ykdysadyýet we söwda ugurlaryndan hyzmatdaşlyk gurmaga borçlanandygyny ýatlatdy.