Seulyň Milli uniwersitet hassahanasynyň ylmy barlagçylary içgi içmek endikleriniň rak keseliniň töwekgelçiligine täsiri baradaky düşünjäni ösdürmek maksady bilen ylmy barlag işini geçirdiler.

2009-2011-nji ýyllarda 4.5 milliondan gowrak koreýaly içgi içmek endikleri babatda sowalnama jogap berdiler. Sowalnamanyň netijeleri içgi içmek endiklerini üýtgetmediklere seredeniňde, alkogol içmegi artdyran adamlarda rak keseliniň ähli görnüşleriniň, şol sanda alkogol bilen bagly rak keselleriniň töwekgelçiliginiň ýokarlanandygyny görkezdi. Şeýle-de, içmeýänler bilen deňeşdireniňde, alkogoly az, orta ýa-da köp mukdarda içýänleriň ählisiniň rak bilen keselleme ähtimallygynyň ýokarydygy ýüze çykaryldy.

Häzirki wagtda telewizordan we sosial mediýadan başlap, sport ýyldyzlaryna, oýunlara, söwda merkezlerine çenli çagalara saglyga zyýanly iýmitleri aşa köp mahabatlandyrýarlar we bu çagalaryň hukuklaryny goraýan halkara kanunlara ters gelýär.

BSGG görä, şeýle azyk marketingleriniň çagalaryň saglygyna zyýan ýetirýändigi barada ummasyz subutnamalara garamazdan, hiç bir ýurt oňa gözegçilik etmek üçin köptaraplaýyn syýasaty kabul etmedi. BSGG muny üýtgetmegi umyt edinip, ýurtlara çagalara baryp ýetýän azyk mahabatlaryny çäklendirmäge ýardam etmek üçin gollanmalaryň taslamasyny taýýarlamagyň ugruna çykdy.

Katarakta operasiýasyna girmek ýakymly zat däl. Ýöne towşanyň öt haltasyny bal bilen garyp, garyndyny ýelek bilen üç gije gözüňe sürtmek bilen deňeşdireniňde operasiýa has göwnejaý görnüp biler.

Bu melhem Kembrij uniwersitetiniň Kitaphanasynyň "Curious Cures" atly sanly golýazmasy üçin ýygnalýan 8000 sany orta asyr bejergilerinden biridir. Kitaphana XIV-XV asyrlaryň (käbirleri has köne) lukmançylyk golýazmalarynyň 180 sanysyny ilata elýeterli etmegi maksat edinýär.

Ýakynda neşir edilen global ylmy barlaga görä, dünýädäki rak ölümleriniň ýarysyna golaýy öňüni alyp bolýan töwekgellik faktorlary bilen baglanyşyklydyr we şeýle ölümleriň sany barha artýar.

ABŞ-nyň ştatlarynyň ýarysy aborta gadaganlyk girizdi, emma aborta garşy toparlar heniz hem kanagatlanmaýarlar.

Bu toparlaryň indiki maksadynyň çaga düwünçegine kanuny goraglylygy üpjün edýän "düwünçek şahsyýeti" kanunynyň kabul edilmegini gazanmakdygyny The New York Times gazeti habar berýär.

Hukuk goraýjylaryň, lukmanlaryň we kanun çykaryjylaryň ýyllardyr basyş etmegi esasynda, Azyk we derman serişdeler administrasiýasy (FDA) 16-njy awgustda eşidiş enjamlaryny millionlarça amerikalylara elýeterli etmek barada düzgüni kabul etdi.

Oktýabryň ortalaryndan başlap ulular eşidiş enjamlaryny onlaýn ýa-da dermanhanalardan dermannamasyz satyn alyp bilerler.

Adatdan daşary howa ýagdaýlary suw joşmasyndan soň çybynlardan döreýän kesellerden başlap, Sibiriň erän doňaklyklaryndaky haýwan maslyklaryndan döreýän sarybaş keseline çenli ýüzlerçe ýokanç keselleri ýitileşdirýär.

Soňky on ýylda iş şertleriniň agyrlaşmagy sebäpli Türkiýäni terk edýän lukmanlaryň sany köpelýär.

2012-nji ýylda bary-ýogy 59 lukman daşary ýurtlarda işlemäge mümkinçilik berýän – hakykylyk kepilnamasyny almak üçin Türk lukmançylyk birleşigine ýüz tutupdyr. Şu ýylyň awgustyna çenli eýýäm 1,402 lukman ýurtdan gitdi. 2022-nji ýylyň ahyryna çenli takmynan 3,000 lukmanyň hakykylyk kepilnamasyny almagyna garaşylýar. Bu bolsa 2012-nji ýyl bilen deňeşdirilende Türkiýäni terk eden lukmanlaryň sanynyň 50 esse artandygyny görkezýär.

Yrakly lukmanlar ýurtdaky lukmanlara edilýän hüjümleriň köpelmegi bilen öz saglygy we howpsuzlygy barada alada edýärler.

Awgustyň başynda çap edilen sowalnama görä, Bagdatly lukmanlaryň 87%-i COVID-19 pandemiýasy döwründe syrkawlaryň ýa-da olaryň maşgalalarynyň edýän zulumymyň artandygyny habar berdiler.

Hytaýyň gündogarynda ýüze çykan täze genipawirusyň pandemiýa döretme ähtimallygy pes bolsa-da, wirusyň gelip çykyşy baradaky täze barlag zoonoz wiruslaryň (haýwanlardan adama geçýän) aňsat we duýdansyz ýaýramagynyň mümkindigini görkezýär.

Wirus ilkinji gezek 2018-nji ýylda gyzzyrma, kelleagyry, üsgülewük we ýürek bulanma bilen keselhana ýerleşdirilen daýhanda anyklanyldy. Şondan bäri, Şandong we Henan regionlarynda şoňa meňzeş simptomlar 35 adamda tapyldy. Häzire çenli ölüm hadysalary habar berilmedi.