Adam söwdasy boýunça global maglumat merkeziniň hasabatyna görä, 2005-2021 ýyllar aralygynda Merkezi Aziýanyň 6000-den gowrak raýaty jynsy, zähmet ýa-da başga görnüşli gulçulyga sezewar bolýarlar. Bularyň hem 525 sanysynyň Türkmenistanyň raýatlarydygy bellenilýär. Gulçulykdaky türkmenistanlylaryň 54%-i Türkiýede ýaşaýar we olaryň hem 60%-ne golaýyny aýallar düzýär.

Tennessi ştatynda azyndan 154 sany AIW keselli adam "zorluk ediji jynsy jenaýatçy" hökmünde hasaba alyndy. Bu kesgitleme aýratynam olaryň AIW keseli bilen baglanyşykly. Tennessi ABŞ-nyň AIW-i jenaýat hasaplap gelýän 35 ştatyndan biri bolup, ol ýerde bu kanun juda berk ýöredilýär.

Lancet žurnalynyň COVID-19 komissiýasy pandemiýa halkara derejede jogap berlişini "global şowsuzlyk" diýip tankytlaýan 45 sahypalyk edinilen sapaklaryň hasabatyny çap etdi. Hasabat COVID-iň laboratoriýadan ýaýrandygy baradaky konspirasiýa teoriýalaryny hem puja çykarýar.

Halkara Zähmet Guramasy (HZG), "Walk Free" halkara adam hukuklary guramasy we Halkara Migrasiýa Guramasy (HMG) tarapyndan taýýarlanylan hasabata görä, islendik günde 49.6 million adam döwrebap gulçulyga sezewar bolýar. Olar ýa öz isleglerine garşy işledilýärler ýa-da mejbury nikada saklanylýarlar.

Soňky 23 ýylyň içinde ABŞ-da 50 aýal göwresindäki çagasy aýrylanyndan ýa öli doglanyndan soň neşe testiniň pozitiw çykandygy sebäpli adam öldürmekde ýa-da çagany idegsiz goýmakda aýyplandy.

Hytaý häkimiýeti ilat sanynyň azalmagyna çäre hökmünde göwreliligiň öňüni alyş we maşgalany meýilleşdirme serişdelerini çäklendirip başlady. Netijede abort etdirýän ýetginjekler köpeldi.

JAMA Pediatrics-iň täze ylmy barlagyna görä, dünýäde takmynan 10.5 million çaganyň COVID-19 sebäpli ene-atasyny ýa-da hossaryny ýitiren bolmagy we 7.5 million çaganyň ýetim galan bolmagy mümkin. Bu görkeziji 2021-nji ýylyň oktýabrynda çak edilen 5.2 milliondan juda köpdür.

Global ýitginiň agramly bölegini Günorta-Gündogar Aziýadaky (41%) we Afrikadaky (24% ) çagalar çekýärler. Diňe Hindistanyň özünde ~3.5 million töweregi çaga ene-atasyny ýa hossaryny ýitiripdir.

Alymlar henizem uzak dowam edýän COVID simptomlaryndan ejir çekmäniň töwekgelçiligini artdyrýan ýagdaýlaryň sebäbini we olaryň galdyrýan täsirlerini bilmäge çalyşýarlar.

Häzire çenli immunosupressiýa (immun ulgamynyň bolmalysy ýaly işlemezligi) we gipertoniýa ýaly fiziki ýagdaýlar uzak dowam edýän COVID-iň töwekgelçiligini ýokarlandyrýan faktorlar diýlip çaklanylan bolsa, täze barlagyň netijeleri psihiki stres döredijileri onuň esasy faktorlary diýip çaklaýar.

8-nji sentýabrda ABŞ-nyň Azyk we Derman Serişdeleri Administrasiýasy seýrek bolsa-da, göwüs implantlarynyň ähli görnüşlerinde implantyň töwereginde emele gelýän ýara dokumalarynyň käbir rak kesellerini döretmeginiň mümkindigini aýtdy. Teksturaly implantlar ozal adaty bolmadyk limfomanyň döremesi bilen baglanyşdyrylypdy.

Çeşme

Inçekeseliň dermana garşy örän durnukly bolan görnüşini bejermek ýeňilleşdi.

Kliniki synaglaryň 3-nji tapgyrynyň netijesi linezolidiň (bejergide ulanylýan dermanlaryň biri) ýarym dozasyny 6-9 aýlap alanlaryň 90% -den gowragynyň sagalandygyny we bir doza seredeniňde ýarym dozanyň ýan täsirleriniň az bolýandygyny görkezdi.