Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.
ÇAGA SAGLYGY
Hormatly okyjy!
Çagalarda beýniniň şikeslenmegi, merkezi nerw ulgamynyň keselleri çaşy gözlülige getirip biler. Ondan başga-da, esasy sebäbi bolmasa hem, çaganyň hörezek, gyzamyk, difteriýa ýokançlyklaryny geçirmegi hem çaşylygyň döremeginiň sebäbi bolup bilýändir. Köplenç ýagdaýlarda, göz myşsalarynyň sazlaşykly işiniň bozulmalary görüşiň dogabitdi kesellerinde ýüze çykýandyr: daşdan görüjilik ukybynyň ýokarlanyp, ýakyndan görüşiň peselmegi ýa-da tersine, ýakyndan aýdyň görüp, daşdan görmegiň peselmegi, astigmatizm we başgalar.
Bu sebäpleriň hemmesi, çaganyň ömrüniň birinji ýyllarynda görüşiň kadaly ösüşiniň bozulmagynda, 3 ýaşda bolsa, çaşaran gözde görüşiň peselmegi bilen ýüze çykýan gözüň çaşylygyna getirip biler. Sebäplerini anyklap, gözüň çaşarma ýagdaýlaryny 18-23 ýaşa çenli (şol ýaşdan soň gözüň kämilleşmegi tamamlanýar) bejerip bolýandyr.
Goşmaça barlaglary geçirmek üçin Size newropatolog lukmanyndan başga-da oftalmolog lukmanyna ýüz tutmagyňyzy maslahat berýäris.
Hormat bilen, saýtyň lukmany.
- 4094 gezek okalan
