Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.
BOÝUM ÇALT ÖSÝÄR
Hormatly okyjy!
Boýuň ösmegi nesil yzarlama häsiýetine (eger ene-ataňyz uzyn boýly bolsa), iýmitlenmäniň hiline, endokrin ulgamyň ýagdaýyna bagly bolup, ol gipofiz mäzinde işläp çykýan somatotrop gormonynyň täsiri bilen amala aşyrylýandyr. Bu gormonyň köp işlenilip çykarylmagy boýuň uzyn bolmagyna getirip biler. Ondan başga-da, bedende testosteron gormonynyň ýetmezçilik etmegi hem (siziň ýetginjeklik ýaşyňyzy hökman göz öňüne tutmaly) boýuň aşa ösmeginiň sebäbi bolup bilýändir. Degişli barlaglary geçirip, somatotrop gormonynyň ýokary işjeňliginiň basyp ýatyrylmagyna täsir etjek derman serişdeleri (görkezme bilen!) saýlamak üçin endokrinolog lukmanyna ýüz tutmak netijeli bolar. Fiziki maşklaryň ýerine ýetirilmegi netijesinde hem, somatotrop gormonynyň täsiri myşsalaryň ösmegine gönükdirilip, boýuň ösmegi haýallap biler.
Hormat bilen, saýtyň lukmany.
- 3191 gezek okalan
