Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.
SAGLYK MAKSATNAMASY
Hormatly okyjy!
"Saglyk" maksatnamasynyň esasy maksady ilatyň saglygyny gowulandyrmak we adam ömrüniň dowamlylygyny uzaltmak babatda düýpli çäreler toplumyny durmuşa ornaşdyrmakdan ybaratdyr. Bu maksatnama 1995-nji ýylda kabul edilip, özünde 1995-2000 ýý aralygy lukmançylykda amala aşyrmaly özgertmeleri jemleýändir.
"Saglyk" maksatnamasynyň esasy öňde goýýan meseleleri aşakdakylardan ybaratdyr:
- Saglygy goraýyş ulgamyň dolandyrylyşyny kämilleşdirmek;
- 1996-njy ýylyň 1-nji ýanwaryndan raýatlaryň meýletin saglyk ätiýaçlandyrylmagyny girizmek;
- Öňüni alyş çäreleriň netijeliligini ýokarlandyrmak;
- Ilaty elýeter, yokary hilli lukmançylyk kömegi bilen üpjün etmek;
- Ilatyň arasynda geçirilýän sanitar- epidemiologik çäreleriň hilini ýokarlandyrmak;
- Maşgala lukmançylygynyň işini ýola goýmak;
- Saglygy goraýyş ulgamyny maliýeleşdirmekde reformalary geçirmek;
- Saglygy goraýyş ulgamynyň birinji basgançagyny pugtalandyrmak we keselhana orunlaryny netijeli peýdalanmak;
- Lukmançylyk edaralarynyň material-tehniki ulgamyny pugtalandyrmak;
- Saglygy goraýyş ulgamynyň hususy sektoryny ösdürmek;
- Derman serişdeleriniň önümçiligini ýokarlandyrmak;
- Işgärleri taýynlamagyň hilini ýokarlandyrmak;
- Lukmançylyk ylmyny amaly lukmançylygyň mätäçliklerini çözmäge gönükdirmek.
Maksatnamany durmuşa geçirmäge Bütindünýä Banky, UNISEF, Bütindünýä Saglygy Goraýyş Guramasy, TIKA halkara guramalary gatnaşyp, köpdürli ugurlar boýunça kömek berdiler.
2012-nji ýylyň 21-nji aprelinde Türkmenistanyň ministrler kabinetiniň geşiren mejlisinde "Türkmenistanyň saglygy goraýyş ulgamyny ösdürmegiň 2012-2016-njy ýyllar üçin Döwlet Maksatnamasy" kabul edildi. Bu Maksatnamanyň ugurlary boýunça doly maglumaty saýtymyzyň sahypalarynda Siziň dykgatyňyza hödürläris.
Hormat bilen, Lukman.
- 10666 gezek okalan
