Üns ber! Saýtyň esasy maksady Siziň saglyk babatdaky gözýetimiňizi giňeltmekdir. Şonuň üçin-de, saýtda berilýän maglumatlar esasynda öz-özüňi bejermek maslahat berilmeýär. Öz-özüňi bejermeklik düýpli kynçylyklara uçradyp, janyňyza howp salyp biler. Saýtdaky makalalar, materiallar we beýleki maglumatlar bilim maksatly bolup, lukmanyň bejergisiniň ýa-da maslahatynyň ýerini tutup bilmeýär.
TRAMADOL NÄHILI DERMAN?
Hormatly okyjy!
Tramadol çalt we dowamly agyrsyzlandyryjy täsirli serişde bolup, esasan dowamly agyrylarda, operasiýadan soňky döwürde, şikeslenmelerde, täze döremelerden ejir çekýän näsaglarda ulanylýar. Serişdäniň wena, myşsanyň içine goýberilýän, gerdejik we göni içegä goýulýan şem görnüşleri bardyr.
Tramodolyň adaty mukdarda çynlakaý ýaramaz täsirleri ýüze çykmaýan bolsa hem, ol ýürek bulanma, gaýtarma, başyň aýlanmagy, derlegenlik ýaly alamatlary döredip biler.
Tramadoly alkogol serişdeleri bilen zäherlenen näsaglara, narkotiki agyrsyzlandyryjylara duýgurlylygy bolan adamlara, göwrelilere, 1 ýaşdan kiçi çagalara ulanma maslahat berilmeýär.
Oňa öwrenişme ýa-da täsiriniň peselip bilme häsiýetiniň barlylygy sebäpli tramadoly uzak wagt ulanmak bolmaýar.
Hormat bilen, saýtyň lukmany.
- 5579 gezek okalan
