Meniň elimde biotok bar. Adamlaryň arasynda otursam töweregimdakileriň keselini özüme çekip alýaryn. Ol adamlar sagalýar, men bolsa syrkawlaýaryn. Men nädip saglygymy gorap saklamaly?

Saýtyň okyjysy.

Salam Lukman! Menin çep gulagym agyrýar, kawagt akýar. Çep gulagym eşidenok diýen ýaly. Özüm 18 yaşyndaky oglan. Lukmanlar gulagymda iriňli mezotimpanit keseliniň bardygyny hem-de perdäniň deşikdigini aýtdylar. Bu beýleki gulagyma hem geçip bilermi? Bejergi alanymdan soň biraz gowulaşdy, yöne doly aýyrlanok. Şuny doly bejerip bolyamyka? Bu keselin bejergisi, näme sebäpden döreyändigi hakda aydyp beraýseňiz.

Saýtyň okyjysy.

Salam hormatly lukman! Ýylan etini iýmek peýdalymy, ol dermanmy? Soraýanlygymyň sebäbi, men birnäçe gezek derman höküminde ony iýenlerine gabat geldim. Maña-da hödür etdiler, ýöne men iýmedim. Guragyra we basga-da köp kesele garşy peýdasy bar diýýärler. Eýsem bu dogrumyka?

Saýtyň okyjysy.

Salam hormatly lukman! Gelnim çaga dogranda, daşky jyns agzalaryndan aşaklygyna tarap kesip çagany dogurdypdyrlar. Şeýle dogrumdan soň jynsy gatnaşygy naçe wagtdan son geçirme rugsat berilýär hem-de indiki dogrumy naçe wagtdan meýilleşdirip bolar?

Saýtyň okyjysy.

Salam lukman! Meniň aýalym peşewini saklap bilmeýär. Şeýle ýagdaýda näme maslahat berip bilersiňiz?

Saýtyň okyjysy.

Salam hormatly lukman! Men 19 hepdelik göwreli gelin. USB-ny geçemde göwrämdäki çaganyñ ýan suwunyñ hapalanandygyny aÿtdylar. Munuñ nähili ÿüze çykyšyny we howplulygy barada düşündiriş bermegiňizi haýyş edýärin.

Saýtyň okyjysy.

Salam lukman! Menin 3-4 aý bäri bilim agyrýar. Etrap hassahanasyna baryp barlagdan geçemde hiç hili keseliň ýoklugyny aýtsalar hem, sanjym hem-de gerdejik görnüşde bejergi berdiler. Emma agyry galyberenok. Bilimde, esasan calaja egilip duran wagtlam (koplenc el-yüz ýuwan mahalym) ýyldyrym çakan yaly bolyar we duran yerimde ýykylyp galýaryn. Ençe wagt tekiz ýerde arkan yatamdan soňra ýagdaýym gowlaşýar. Siziň pikiriňizçe, meniň bilim näme sebäpden şeýle agyryp bilerkä?

Saýtyň okyjysy.

Salam hormatly Lukman! Meniň 23 ýaşymyń içinde sag taraplaýyn kriptorhizm sebäpli operasiýa edilip, sag ýumurtgam ýerine düşürildi. Men häzir 32 ýaşymy dolduryp barýan. Öýlenenime 7 ýyl dolup barýar ýöne entegem çaga galanok. Men welaýatymyzdaky lukmanlara barlaga baranymda, olar meniñ dölümde hiç-hili tohumyñ ýokdugyny aýtdylar we bejergi berip başladylar. Men ep-esli wagtlap olaryñ bejergilerini aldym. Olar iñ soñunda bejergini tamamladylar we menden hiç wagt çaga önmejekdigini aýtdylar. Men birnäçe wagtlap gamgyn halda ýaşadym we soñra paýtagtymyza gidip görmegi ýüregime düwdüm. Paýtagtymyzdaky lukman maña bu derdi bejerip bolýandygyny aýtdy we täzeden (öñkä meñzemeýän) bejergi berip başlady. Men ep-esli wagt gatnap bejergi aldym we häzir hem bejergim tamamlananok. Ýöne häzirki wagtda men käbir sebäplere görä bejergi almaga baryp bilemok. Men bu ýagdaýa gaty gynanýan we ilkinji mümkinçilik tapan badyma paýtagtymyza ugrajak. Meniñ sizden sorajak soragym: meniñ ýagdaýymdaky adamyñ sagalyp gitmeginiñ ähtimallygy nähili?

Saýtyň okyjysy, Mätäji.

Salam lukman! Men göz lukmanynyň barlagyndan soň gözümin görşüniň - 0,5% peselendigini bildim. Bejermek üçin damja ulanýaryn, ýöne ol kän peýda berip baranok. Men ýene önküm ýaly görmek üçin nämeleri etsem gowy bolarka? Äýnek dakynmana utanýaryn. Maslahat bermegiňizi haýyş edýärin.

Saýtyň okyjysy.

Salam hormatly lukman! Size ýetginjekler üçin peýdaly boljak maglumatlar barada, yagny ilkinji gezek sakgaly syrmagyň aýratynlyklary, onuň çalt ösmeginiň öňüni alýan we yüzün derisini gorap biljek düzgünler barada gürrün bermeginizi haýyş edýärin.

Saýtyň okyjysy, Maksat.

Ýetginjeklerde sakgalyň peýda bolmagy hem-de onuň gürlüginiň derejesiniň kesgitlenmegi, köplenç 14 ýaşdan soň ikilenç jyns alamatlarynyň döremegi (goltukasty çukurjykda, gasykda tüýleriň peýda bolmagy, sesiň ýognamagy, myşsalaryň ösmegi we ş.m.) bilen utgaşýandyr. Eger sakgal daşky görnüşiň gelşikligini bozýan bolsa, onda biraz ir syrylyp başlansa hem bolar.