Salam, hormatly lukman! Dogrum wagtynda ýüze çykýan çaga ölümleriniň sebäpleri barada anyk maglumat bermegiňizi haýyş edýäris. Öz ýakynlarymyzyň biriniň golaýda ekiz çagasy boldy. Bu onuň 2-nji gezekki göwreliligidi. Ol dogrumdan öň 1 aý töweregi paýtagtda ýerleşýän, ýurdumyzda iň bir gowy çaga dogrulýan öýleriň birinde lukmanlaryň gözegçiligi astynda boldy. Göwreliligiň ähli dowamynda-da seredilme kemi galmady. Göwrelilik döwründe özüni oňat duýdy. Lukmanlar tä dogrum wagtyna çenli enäniň we ekizleriň ýagdaýynyň oňatdygyny, kadalydygyny aýdyp geldiler. Emma 9 aýy dolandan soň enäniň özi tarapyndan dogrulan ekizjeleriň ikisi hem öli bolup çykdy. Lukmanlaryň aýtmaklaryna görä, ekizler öýkeni açylmandygy sebäpli şeýle bolupdyrlar. Ekizleriň biriniň reňki ap-ak, beýlekisi bolsa gögümtil, agramlary 2 kg -2,2 kg bolupdyr. Ikisi hem gyz çaga eken. Olaryň reňki agynyň dogrum wagtyndan öňräk ölen bolmagy hem mümkin diýdiler. Ýene-de lukmanlar çaganyň "ýoldaşy garrapdyr" hem diýdiler. Garaz, bu waka biz üçin-ä birhili düsnüksiz hem ýürekleri ezdiriji waka boldy. Ene üçin has hem aýylganç bolandygy düsnükli zat. Şu we basga-da özüňize mälim bolan beýleki şuňa meňzeş ýagdaýlar barada düsündiriş bermegiňizi Sizden uly haýyş edýäris.

Saýtyň okyjysy.

Men kiçiligimden onanizm bilen meşgullandym. Birnäçe ýyldan soňra bolsa onanizmiň zyýanlydygyny bildim. Onanizm bilen meşgullanýarkam meniň ujydymyň turmasy gitdigiçe peselýärdi we şu wagt jynsy gatnasyk üçin kadaly ýagdaýa gelenok. Zyýanyň ýarsyndan gaýtsaň hem peýda diýip, şu wagt onanizm bilen meşgullanamok. Men indi näme etsem bolarka? Muny öý şertlerinde degişli çäreleri görmäge kömek etmegiňizi haýyö edýärin. Men käwagt erkeklik seksuallygy artdyrýan gerdejikleri ulanýaryn. Şolar zyýanlymyka? Şu soraglaryma jogap berseňiz, minnetdar bolardym.

Saýtyň okyjysy.

Salam, lukman! Doňuz ýagynyň dermanlyk häsiýeti barmy?

Saýtyň okyjysy.

Salam, gadyrly lukman! Öýken keselleri barada giňişleýin gürrüň beräýseňiz minnetdar bolardyk. Kähalatlarda gyşyň içinde dümewleýän we erbet üsgülewük gurşap alýar. Üsgürenimde gursagym agyrýar. Maňa munuň bronhitdigini aýtdylar. Eger ol şeýle bolsa, bu howplumy? Muny bejerip bolarmy? Näme dermanlary maslahat berýäňiz.

Aşyrhan.

Salam, hormatly Lukman! Men sizden gastrit keseli barada maglumat bermegiňizi haýyş edýärin.

Saýtyň okyjysy.

Salam, lukman. Meniň mañlaýymda 1 sany 15 tikinlik we 2-3 sany 2-3 tikinlik ýara (şram) bar. Mana muny estetiki operasiýa  ýoly bilen düzedip bolýandygyny aýtdylar. Ýaranyñ bolanyna 2,5 ýyl çemesi wagt boldy. Yurdumyzda bu oprasiýany edýärlermika? Ýa-da daşary yurda gitsem gowy bolarmyka?  Maňa maglumat berseňiz hoşal bolardym. Sag boluň.

Saýtyň okyjysy.

Salam, lukman! Göwrede çaganyň galandygyny nädip bilmeli?

Saýtyň okyjysy.

Salam, hormatly lukmanlar! Üstünlik size ýar bolsun!

Gadyrly lukmanlar, siziň saýtdaky ýazýan peýdaly maslahatlaryňyzy uly höwes bilen okaýaryn. Şeýle saýty döredendigiňiz üçin köp sag boluň. Mähriban lukmanlar, meniň oglum häzir dört ýaşynda. Ol doglanda lukmanlar tarapyndan barlanlarynda çaga hemmetaraplaýyn sag diydiler. Oglum bir ýasap gelýärka azary artansoň, men ony newropatolog lukmanyna barlatdym, kellesini USB etdirdim. Lukmanlar oglumyň çerepnoý dawleniýasy bar diýdiler. Lukmanyň maslahat bermegi bilen men oňa cerepnoýa garşy dermanlary berdim. Berlen dermanlar (diokarb, glisin, asparkam sinnerazin) dermanlaryny ulandym peydasy gowy yetdi. Bu dermalary men oglum üç yaşa cenli yylda bir gezek gaytaladym. Üç  ýaşdan soň ol yatyp turanda: agsam yatyp irden turanda-da, gündiz yatanda-da bir sekuntlyk ýaly gözeri çaşarýar. Men ony lukmana äkidenimde käbir çagaň  gözleri üç ýaşa çenli şeýle  bolýar diýip, kellesini USB etdi-de, yene-de ýokarda agzalan dermanlary yazdy hem-de tok yazdy. Şondan soň oglumyü gözleri gowulanan ýaly hem boldy. Emma soňky döwürlerde gözleri ýene gozgaýar. Gadyrly lukmanlar, oglumyň gözleri näme üçin beýle bolýarka?

Saýtyň okyjysy.

Salam, hormatly lukman! Guş (towuk) etini biz käwagtlar uly işdamenlik bilen küýseýäris ýa-da köp berhiz tutyan adamlara towuk etinden nahar  iýmekmaslahat berilýär. Golaýda teleýaýlym  arkaly  jüýjänin bary-ýogy 45 günüň icinde 1,5 kg  agramyny artdyryp bazara hödürlenýänligini eşitdim. Şeýle  ýetişdirilen towuklaryň  berhiz üçin ulanmaklyga nähili maslahatyňyz bar?! Mundan başga-da  öý  towuklarynyň  etinden nähili tapawutlanyandyklary barada hem bize maglumat berseniz, sizden hoşal bolardyk.

Saýtyň okyjysy.

Salam, hormatly lukman! Üsgülewňge garşy gakylyk gopduryjy serişdeler barada gürrüň berseňiz hoşal bolardyk.

                                       Saýtyň okyjysy.