Salam lukman. Meniň adym Mahym. 24 yaşymda, 3 çagam bar. Mana spiral goýdurmak bolanok. Sonun ucin men POSTINOR dermandan içdim. Mana bu dermany lukmanym maslahat berdi. Men indi sol dermany içmesem aybasym gelenok. Namedenka? Mana maslahat bermegiňizi haýyş edýärin.

Saýtyň okyjysy, Mahym.

Salam lukman! Men ýatga spiral goýdurmak isleýärin. Ýöne joralarym spiralyň birnäçe zyýanly taraplarynyň bardygyny aýdýarlar. Onuň zyýanly taraplary barada giňişleýin gürrüň berseňiz hoşal bolardym.

Saýtyň okyjysy.

Salam hormatly lukman! Men 23 ýaşymda. 2 sany çagam bar, kiçisi 3 ýaşynda. Ýoldaşym çaga edineli diýip goýanok. Men bolsa bir uly hojalygyň gelni, kiçi çagalarym hem bar. Şonuň üçin göwrelilikden goranyp, spiral goýdurmak isleýärin. Aýbaşym wagtynda gelse-de, aýbaşynyň üstüne görme gorkusy meni alada goýýar. Men bejergi almazdan ýatga spiral goýduryp bilerinmi?

Saýtyň okyjysy.

Göwrelilik döwründe gazly mineral suwuny içesim gelýär. Çaga zyýany barmyka? Jogap berseňiz hoşal bolardym.

Saýtyň okyjysy.

Salam hormatly lukman! Men 1960-njy ýylda doglan. Geçen ýylyň maý aýyndan bäri göwsüm çişip başlady. Iýul aýynda Aşgabat şäherindäki Onkologiýa merkezine ýüz tutdym. Merkezde göwsümi punktirleme we mammografiýa anyklaýyş barlagyny geçirip, lukmanlar göwsüme operasiýa etmeli diýen netijä geldiler. Emma men operasiýadan gorkup keselhana barmadym. Lukmanyň maslahaty bilen, öýde arassalanmadyk ýag bilen aragyň hersinden 30 ml. garyp kabul etdim. Bejergi haýyr edenok. Indi 1 aýdan bäri göwüsdäki çiş ulalyp ellerime geçip ugrady. Hormatly lukman, bu kesel näme we ondan hähili gutulyp bolarka?

Saýtyň okyjysy. 

Salam lukman! Men 35 ýaşymda. Iki ýyldan bäri aýbaşy bozulmasyndan ejir çekýärin. Mende başda   spiral bardy. Ýatgydan gan gelme başlanansoň, lukmanlar spiraly aýryp bejergi berdiler. Gan gitme galan ýaly bolsa-da, bu ýagdaý ýene iki aýdan gaýtalandy. Bu gezek ýatgynyň diwarlaryny arassalap gan gitmäni sakladylar. Ondan  soň aýbaşym 6 aýdan gelip, şu ýagdaý ýene gaýtalandy. Aýal lukmany maňa "Gormonal bozulma" kesel kesgidini goýdy. Indi aýbaşym bir aý bolsa, iki aý bolanok. Aýbaşym gelsede ýene köp gan ýitirmeden ejir çekýärin. Maňa maslahat bermegiňizi  haýyş  edýärin.

Saýtyň okyjysy.

Salam, hormatly lukman! Men 39 ýaşymyň içinde 30 gezege çenli abort etdirdim. Şeýle ýagdaýyň geljekde saglyga täsiri barmyka? Şundan soň sagdyn çaga dogrup bolarmy?

Saýtyň okyjysy.

Hormatly lukman! Men 24 ýaşyndaky durmuşa çykmadyk gyz. Näme üçindir meniň aýbaşym başlap, eýýäm ikinji aý dowam edýär. Saglyk babatda hiç hili keselim ýok. Agyry-ynjy biynjalyk edenok. Aýbaşym ynha kesiler diýip gezdim. Indi ol kesilmänsoň howsala hem düşýärin. Bu ýagdaý görümden galmanyň alamaty dälmikä? Durmuşa çykmaýan gyzlar näçe ýaşda görümden galyp bilerler?

Saýtyň okyjysy.

Siz saýtda ýerleşdirilen bir makalada, aýbaşy döwründe jynsy gatnaşygy geçirme aýal üçin peýdaly diýip belläpsiňiz. Bu gatnaşyk erkek üçin zyýanly dälmikä? Uly adamlar aýbaşy döwründe akýan gandan köp keseller geçip bilýär diýýärler. Yslam dinimiz hem aýbaşy döwri jynsy gatnaşyk etmäge rugsat bermeýär.

Saýtyň okyjysy.

Salam, hormatly lukman! Men soňky üç aýyň içinde horlanýan. Men öň çaga emdirýädim, indi bes etdim. Emdirmäni bes edenimden soň horlanyp başladym. Men nädip öňkim ýaly bolup bilerkäm?

Saýtyň okyjysy.