"Hormatly lukman! Menin günde burnum ganaýar we burnum gananda gan basyşym hem ýokarlanýar. Burnuma elimi degirsem ganap başlaýar we burunda awuşama peýda bolýar. Bu nämeden bolýarka?"

Saýtyň okyjysy.

"Men Klonery dermanynyň hiç hili zyýansyz boyuňy ösdürýändigini eşitdim. Eger mümkin bolsa bu barada ginişleýin maglumat berseňiz, size minnetdar bolardym".

Saýtyň okyjysy.

"Meniň böwreklerim agyryp lukmana ýüz tutmaly boldum. Urolog lukmanynyň kabulynda: "Siz durmuşa çykanmy?" diýip soradylar. "Ýok" diýip jogap berenim üçin olar meni gyz hasapladylar. Ýöne ginekolog lukmanynyň barlagynyň netijelerini okanlaryndan soň, geň galma we ýigrenç bilen "Siz jynsy gatnaşyklary geçirýäňizmi?!" diýen soragy berdiler.

Hormatly lukman! Türkmen lukmanlarynyň hemmesi nikadan öň jynsy gatnaşygy geçirýän aýal maşgalalara ýigrenç we ynanmazçylyk bilen seredýärlermi? Eger men durmuşa çykmadyk, ýöne bu gatnaşyklary alyp barýan bolsam, meni bejermeýärlermi? Lukman: "Sen durmuşa çykdyňmy?" diýip ýerlikli soraýarmy? Ýa-da ol: "Jynsy gatnaşykda bolýaňyzmy" diýip soramalymy?"

Saýtyň okyjysy.

Lukman, ätiýaçlandyryş pasportyň şertnamasyny nähili üzüp, ýagny togtadyp bolýar? Onuň üçin nirä ýüz tutmaly?

Saýtyň okyjysy.

Hormatly lukman! Men ýanwar aýynyn 8-ne elin bilek süňki diýilýän ýerinde iki süňkimi hem döwdürdim. Soňra 2 sagatdan trawmotologiýa merkezine bardym. Elimi operasiýasyz bejerip bolmaýandygyny aýtdylar. 5 gün geçenden soň operasiýa etdiler. Elim soňra gowy boldy. Süňki berkidiji demir dakdylar. 15 günden soň hassahanadan elim 10 günlik gips bilen çykdym (hassahanada wagtym fiziobejergi hem aldym), sebäbi tikinim gowy bitmändi. Soňra 10 günde gowy bitdi. Şeylelikde, öýde nerw üçin bejergi aldym. Soňra elime 1,5 aýlyk gips dakdyrdym. Häzir elim agyranok. Ýöne başam barmagym içine tarap hereket edenok, daşyna hereket edýär. Hemem elim ýokary galanok. Näme maslahat berip bilersiňiz?

Saýtyň okyjysy.

Hormatly lukman! Meniň ejem 50 ýaşynda. 1 ýyl gowrakdan bäri aýagy agyryp uzak ýöräp bilenok. Bir-azyrak ýörese ýa-da aýak üstünde dursa: "aýagym doňup agyrýar" diýýär. Geçen tomus barlatdyk, şonda lukmanlar bilinde gryža bar diýdiler. Şol hem aýaga barýan damarlary gysýar diýip aýtdylar. Şondan soň bejergi hem aldy, ýöne peýda bermedi. Entegem şol agyryny çekip ýör. Bize näme etmelidigini maslahat bermegiňizi haýyş edýäris.

Saýtyň okyjysy.

Hormatly lukman! Meniň elimiň ayasyndäki süňküm döwüldi. Indi şol döwüge gips goýdurdym. Döwülen süňk çalt biter ýaly näme etmeli?

Saýtyň okyjysy.

Hormatly lukman! Meniň aşgazanymda ýara bardy. Lukmanyň ýanyna gözegçilige baramda, ol bejergi belledi. Men ol bejergini aldym. Aşgazanym ýene agyrýar. Men 36 ýaşymda. Sizden maslahat bermegiňizi haýyş edýärin!

Saýtyň okyjysy.

Salam Admin. Gowymy ýagdaýlaryňyz? Men Lebap welaýatynyň Türkmenabat şäherinden lukmançylyk enjamlaryny satýan magazin açasym gelýär. Sizden haýyşym – Nirä ýüz tutmaly? Lisenziýa almalymy? Nähili resminamalary düzetmeli? Şu soraglaryma kömek etseňiz, köp adamlara lukmançylyk ugrundan kömegim degermikä diýýän. Sagboluň. Garaşýan jogabyňyza.

Saýtyň okyjysy.

Salam lukman. Meniň bir joram bar. Ol 19 ýaşynda. Onuň saglygynda şeýle bir kynçylyk döredi, ýöne ol lukmana ýüz tutmakdan çekinýär. Şonuň üçin meniň özüm size ýüz tutmaklygy makul bildim. Onuň göwüslerinde çişler bar, takmynan 7-8 sm. Olar agyrmansoň, ol gezip ýörüpdir. Ýöne indi olar agyryp biynjalyk edensoň, ol mammografiýa barlagyny geçmegi ýüregine düwdi. Ol näme etse gowy bolarka? Ol siziň maslahatyňyza mätäç.

Saýtyň okyjysy.