Sagdyn durmuş ýörelgesini berkitmegiň täze ýoly: adamyň sagdyn ýaşamagy daşky gurşawdan alýan we sarp edýän energýasy deňeçer bolmaly. Daşyndan alynýan energiýa esasan iýmitlenmek arkaly alynýar. Diýmek energiýa deňagramlylygy hem esasan iýmit bilen sazlanmaly. Artyk iýip energiýany az sarp etmeklik semizlige elter, madda çalyşygy bozular, soňy bilen organizm dürli kesellere uçrar. Kemter iýmitlenmek hem organizmiň wagtyndan öň gurpdan gaçmagyna, garramagyna sebäp bolar. Diýmek, iýmitlenmek meselesinde gadymy grekleriň "Altyn ortalyk" düzgünine eýermelidigine hemmeler düşünen bolsa gerek. Bu düzgüni ýaşaýyşyň ähli meselesinde peýdalanmak ösüşe alyp barýar.

Salam hormatly lukman! Men 25 ýaşymda, ýöne meniň ujydymyň örän kiçiligi meni uly alada goýýar. Ujydyň uly ýa-da kiçi bolmagynyň geljekde çaga ýasamakda täsiri barmy? Jynsy gatnaşygyň dowamlylygy hem 1 minuda ýetmeýär. Men V-pill dermanyny ulansam peýdasy degermi? Şu derman barada maglumat berseňiz, meni uly aladadan dyndyrdygyňyz bolardy.

Saýtyň okyjysy, Akmyrat.

Salam lukman! Men ýatga spiral goýdurmak isleýärin. Ýöne joralarym spiralyň birnäçe zyýanly taraplarynyň bardygyny aýdýarlar. Onuň zyýanly taraplary barada giňişleýin gürrüň berseňiz hoşal bolardym.

Saýtyň okyjysy.

Salam hormatly lukman! Men häzir 17 ýaşymda. Meniň içimde soguljanyň (gurçugyň) bardygy sebäpli, näçe iýsem hem semräp bilemok. Bu keselden gutulyp bolarmyka?

Saýtyň okyjysy.

Hormatly lukman! Men 19 ýaşymda. Meniň ýatkeşligim pes. Ony ýokarlandyrmak üçin nämeleri edip bolarka? Meniň tiz daýawlaşasym hem gelýär. Bu maksat üçin men protein içsem bolarmyka? Şu soraglaryma jogap berseňiz Sizden hoşal bolardym.

Saýtyň okyjysy, Serdar.

Hormatly lukman! Adama saç oturtmak zyýanly bolup bilermi?

Saýtyň okyjysy.

Salam saýtyň lukmanlary! Men 29 ýaşymda. 3 ýylyň dowamynda paraproktitden ejir çekip, 2013-nji ýylyň awgust aýynyň 27-ne operasiýa etdirdim. Operasiýadan soň 37 gün keselhanada ýatyp bejergi alanymdan soň, lukman meniň ýagdaýymyň gowulygyny aýdyp keselhanadan çykardy. Meniň derdim ýene 1 hepdeden gaýtalady. Bü näme üçin şeýle bolduka we men ýene operasiýa etdirmeli bolarmykam? Başga çykalga ýokmyka?Men Aşgabat şäherinde haýsy keselhana ýüz tutsam gowy bolarka? Şu kesel barada doly maglumat berýän makala taýynlasaňyz size minnetdar bolardym.

Saýtyň okyjysy.

Men 15 ýaşyndaky oglan. Meniň beden agramym 50 kg, boýum 1m. 94sm. deň. Men häzir hem ösýärin. Boýumyň uzynlygy meni utandyrýar. Bu ýagdaý nämedenkä we onuň bejergisi barmyka? Maňa kömek etmegiňizi haýyş edýärin.

Saýtyň okyjysy.

Salam hormatly lukmanlar! Bize gyzykly maglumatlary ýetirip durýanlygyňyz üçin Size minnetdarlygymy bildiresim gelýär. Meni gyzyklandyrýan bir sorag bolup, ol jynsy gatnaşyklara degişlidir. Oglanyň jynsy agzasynyň gyjynmagy netijesinde dölüň bölünip çykýandygy hemmelere belli. Bu ýagdaý gyzlarda hem bolýarmy? Ýumurtga öýjükleri hem döl ýaly daşyna çykyp bilýärlermi? Eger bolýan bolsa, ol ýagdaý nähili amala aşyrylýar?

Saýtyň okyjysy.

Hormatly lukman! 1 ýyl bäri meniň gözlerim bolmalysyndan ýygy gyrpylýar. Şol sebäpden köpçülik ýerlerinde özümi oňaýsyz duýýaryn. Bu ýagdaýyň sebäbi nerw sowuklamasyndanmyka ýa-da göterilýän telefonlara köp seredilmeginden? Maňa maslahat berseňiz minnetdar bolardym.

Saýtyň okyjysy, Babaguly.