Gyzlar näme üçin adatça 18-20 ýaş aralygynda özlerini gerekli alyp baryarlar? Olaryn maksady name? 18-20 ýaşly gyzyň psihologiýasy barada gürrüň berseňiz, hoşal bolardym.

Saýtyň okyjysy.

"C" gepatit Türkmenistanda mugtmy ýa-da tölegli ?

Nury.

Salam, hormatly lukman! "Кliniki ölüm" barada düşündiriş berseňiz, hoşal bolardym.

Saýtyň okyjysy.

Hormatly lukman! Erkegiň tohum suwuklygyny kosmetikada ulanýarlarmy?

Saýtyň okyjysy.

Salam, Lukman! Türkmençilikde bir ejir ceken adama haýsy mesele bolanda-da, ilkinji kömegi nähili ýagdaýda geçirmelidigini bilýän adam, gynansak-da, gaty seýrek. Oba ýerlerinde adamy elektrik togy uranda ilkinji kömek berilmesizden, hayal etmän lukmana eltilmek islenilýär. Bu bolsa 15-20 minut wagty alyp, şol wagt eýýäm ejir çekene gaty giç. Men yakyn dostlarymyň ikisi şol meselede ilkinji kömegi berip bilman hossarlaryny ýitirdiler. Hormatly Lukman, siz ilkinji kömegiň, yagny birinji 5-minudyn oran wajypdygyny, nähili işler geçirmelidigini maňa we beýleki okyjylarymyza açyklap bermegiňizi sizden haýyş edýärin!

Saýtyň okyjysy.

Salam, hormatly lukman! 10 ýasly doganoglan jigim (ol gaty soranjañ, düsbüje oglanjyk) bir gün maña gaty kyn sorag berdi: "Näme üçin adamlaram, haýwanlaram ölýärler-aý? Düýn bizem ýaý bilen guşatdyk. Ilki ol birazajyk hereket etdi, soñ öldi. Meñ enemem ölüpdir. Bizem ölmelim-aý? Onsoñ menem ölsem, klasdaslarym meni sorap gelseler "Ol öldi, indi ol ýok" diýer ejem, hä? Ölen adamlaram öwlüýä äkidýärler, so taýda-da gömýärler, men bilýän. Soñ hiçem direldip bolmaýar-laý ölen adamy, seýle gerek?". Çaga soraglarynyñ öñünde men-ä gaty ejiz geldim. Näme jogap berjegimem bilmedim (sebäbi özümem bilemok). Ýa-da çagany jogapsyz goýaýmalymyka?

Saýtyň okyjysy.

Hormatly lukmanlar, psihologlar! Maşgaladaky agzybirlik – ruhubelentligiñ, sagdynlygyñ gözbasy! Elbetde, her bir maşgalada-da kiçiräk düşünişmezlikleriñ bolmagy ahmal. "Är-aýalyñ urşy – ýaz gününiñ ýagşy" diýlişi ýaly jübütleriñ arasyndaky şeýle düşünişmezlikler derrew ýatdan çykyp, köplenç soñy gowulyga ýazyp gidýär. Emma gelin bilen gaýnyñ arasyndaky dawa asla muña meñzänok! Men-ä şoña hiç düşünip bilmedim. Gynandyryjy zat – bu ýerde uly agram ogla düşýär: biri söwer ýary, biri mährem ejesi. Ogul bolýan zatlara hiç alaç tapanok. Şu ýerde-de ogluñ öñünde birgiden "egrem-bugram" "çykalga ýollary" açylýar: günde arak içmek, günde 1 guty çilim, öýe giç gelmek, başga ýerlerden rahatlyk gözlemek, maşgalañ bozulmagy... we ş.m. Eýsem şu gelin-gaýyn dawasynyñ düýp sebäbi nämedekä, hormatly psiholog lukmanlar? Heý bir onuñ alajy ýokmuka?

Saýtyň okyjysy.

Salam, hormatly lukmanlar! Soñky döwür daşary ýurt telewideniýesinde ekstrasensler barada köp gepleşik berýärler. Olara ynanmak mümkinmi? Muña lukmançylyk ylmy nähili garaýar?

Saýtyň okyjysy.

Salam, hormatly lukmanlar! Il arasynda öz golaý garyndaşyna öýlenýänlere gabat gelinýär. Mysal üçin doganoglanyňa, çykanyňa ýa-da daşgynrak garyndaşyňa öýlenmek. Däp-dessur aýratynlyklaryna görä Türkmenistanyň käbir sebitlerinde, obalarynda muňa köp gabat gelinýän ýerleri hem bar. Il içinde şeýle nikalardan doguljak çagalaryň kemli dogulmak ähtimallygynyň ýokarydygyny eşidýäris. Oňa derek ýat ýerden öýlenmegiň, has-da milleti başga bolan gyzlara öýlenmegiň nesliň üçin örän peýdalydygyny, dünýä injek çagalaryň zehinli, sagdyn bolýandyklaryny aýdýarlar. Näme üçin şeýle diýilýärkä? Şular barada giňişleýin düşündiris berseňiz, örän hoşal bolardyk.

Saýtyň okyjysy.

Salam, hormatly lukmanlar! Saýtyñ temasyndan biraz daşlasýan bolmagymam mümkin, ýöne meni ýasaýsyñ döreýsi, dünýä akyl ýetirjek bolmak, durmuşyñ manysy ýaly soraglar öz günüme goýanok. Maña şu pikirlerden ýaña hiç rahatlyk ýok. Men fiziki taýdan sagdyn hem bolsam, psihiki ýagdaýym, içki dünýäm elmydama "uruş-dawadan", "goh-galmagaldan" doly. Akyl ýetirip bolmajak nämälimlikler käwagtlar meniñ göwnüçökgün bolmagyma getirýär, işden-durmuşdan elimi sowadýar. Ýa hemme kişem şeýlemikä? Ruhubelent durmuşda ýaşamak üçin beden saglygym ýeterlik däl ýaly maña. Siziñ maslahatyñyza mätäç!

Saýtyň okyjysy.