Salam, hormatly lukman! Biziň çagalarymyz (biri 2 ýaşynda, biri 5 ýaşynda, biri hem 7 ýaşynda) gaty bezzat, garagol. Hiçimiziň diýenini edenoklar. Bularyň terbiýesine nähiliräk çemeleşsek gowy bolarka? Umuman, çaga terbiýesi barada peýdaly maglumatlar berseňiz, örän hoşal bolardyk.

Saýtyň okyjysy.

Hormatly okyjy!

Çaga terbiýesiniň soraglary barada Size has peýdaly maglumatlary lukmanlar däl-de, tejribeli mugallymlar, çaga psihologlary berip biler diýip pikir edýärin.

Çaga terbiýesi inçeden çylşyrymly, wagty, takatlygy, hemişe gözlegde bolmagy talap edýändir. Bu meselede her adamynyň öz durmuş, maşgala tejribesine esaslanan pikiri bolup biler.

Oňa garamazdan, çaga terbiýesiniň esaslary barada käbir maglumatlary bermäge synanyşyk edeliň:

Salam, hormatly saýtyň lukmanlary! Men E witamini hakynda bilmek isleýän. Bu barada käbir maglumatlary berip bilmersiňizmi? Bu witamin nirede duşýar (ösümlikler, iýmit)? Nähili peýdalanylýar? Nähili ýagdaýlarda ulanylýar? Onuň nähili peýdaly häsiýetleri bar?

Saýtyň okyjysy.

Salam, hormatly lukman! Ýüzärlik barada maglumat beräýseñiz, hoşal bolardym.

Saýtyň okyjysy.

Salam, hormatly lukman! Eger adam (erkek adamlar hem) ýüzüniň tüýlerini ütse, nähili täsir edýär? Tüýleriň ütülmegi adamyň ýatkeşligine täsir edýärmi? Adamyň ýady nähili ýagdaýlarda peselip biler? Ýatkeşligi ýokarlandyryp bolýarmy? Şu soraglaryma jogap berseňiz, hoşl bolardym.

Saýtyň okyjysy.

Salam, hormatly lukman! Nauşnikleriñ gulaga zyýany barmyka? Meni aýratyn hem DR.DRE BEATS nauşnikleri gyzyklandyrýar.

Saýtyň okyjysy Fan.

Salam, hormatly lukman! Berjek soragymyň geňräk bolmagy hem mümkindir. Men 3 ýym mundan ozal ýol heläkçiligini başdan geçirdim. Alla şükür, agyran-ynjan ýerim ýok, ýöne şeýle gorkunç waka boldy. Men şu wagtlar hem şol waka meňzeş bir ýagdaýa duş bolanymda, ýüregim birhili bolup gidýär. Bu duýguny nädip beýan etjegimi-de bilemok. Şeýle başdan geçirmäni unutmagyň ýoly barmyka? Jogabyňyza sabyrsyzlyk bilen garaşýaryn.

Saýtyň okyjysy.

Salam, hormatly lukman! Siziň bize berýän maslahatlaryňyz, ündewleriňiz bize durmuşda uly goltgy we kömek berýär. Biz sizden örän hoşal. Hormatly lukman, meniň size şeýleräk soragym bar: Siziň baş sahypada yerleşdiren "SÖÝGI HYJUWYNY OÝANDYRÝAN SERIŞDELER: AFRODIZIAKLAR." diyen makalaňyzda jynsy gatnaşyga bolan höwesi artdyrýan tebigy önümler barada bellap geçipsiniz. Eýsem bu gök önümler bilen çäklenmän, durmuşda ýaş gyzlaryň dar köýnek geýmek, ýa-da juda inçe okjeli köwüşleri geýmek, ýüz-gözlerini beterinden boýamak ýaly görnüşde bolýalarlar. Bu döwrüň ösüşi bilen bagly zatlarmy ýa-da gyzlaryň özüne çekiji seksuallygy artdyrýarmy? Elbetde, bu bir tarapdan gowy hem bolsa, zyýanly tarapynyň bolmagy hem mümkin. Şu zatlar barada maslahat berseňiz, Sizden hoşal bolardym.

Saýtyň okyjysy.

Adam birinji nobatda özi barada aladalanýar. Aslynda biziň hemmämiz-de belli bir derejede egoistdiris. Bu bir instinkt. "Meni" müňlerçe adamyň heläkçilikde aradan çykanlygy baradaky pajygaly habardan, ýüzümde çykan ýekeje düwürtik has uly alada goýup biler. Adamyň edýän pikirleriniň, gurýan hyýallarynyň aglaba böleginde "baş gahryman" hökman onuň özüdir. Sebäbi men durmuşy, ýasaýşy, ähli barlygy, öz barlygymy "özüm" arkaly duýýan ahyry. Şonuň üçin meni menden gowy bilýän ýokdur. Men öz artykmaçlyklarymy hem, kemçiliklerimi hem görýärin. Artykmaç taraplarym özüme bolan ynamymy artdyryp, durmuşda uly üstünliklere iterýän bolsa, kemçiliklerim özüme bolan ynamymy gowşadyp, ýoluma böwet bolýar. Artykmaçlygymy uly iliň ykrar etmegini islesem-de, kemçiliklerimi hiç kimiň bilmegini islämok. Ýöne hakykaty gizläp bolýarmy näme? Iň dogrusy ajy hem bolsa hakykaty aýtmakdyr. Aýtmaga çekinip, böwrüňize sanjy, ýüregiňize ünji bolup duran aladalaryňyzy kalbyňyzda garratmaň! Ýogsam aladalaryň bedenimizde we ruhumyzda toplanan "zäheri" bizi wagtyndan öň heläk etmegi ahmal. Aladalaryňy özüňe iň ýakyn hasaplaýan, dana hem ýürekdes dostuňa ynan! Dostuň ýokmy? Ynha, saňa iň ynamdar dost: www.saglyk.org !!!

Begmyrat Şalyýew, saýtyň okyjysy.

Salam, hormatly lukman! Ady köp eşidilýän tramadol tabletkasy barada düşündiriş beräýseňiz, minnetdar bolardym.

Saýtyň okyjysy.

Salam, hormatly Lukman!

Meniň maşgalam 4 adamdan (men, aýalym, 2 sany gyzym) ybarat. Är-aýal ikimiz hem işleýäs. Gyzlarym çagalar bagyna gatnaýar. Şu günki günde howanyň sowuk gelmegi bilen çagalarymyz bilelikde ýa-da yzly-yzyna dümewläp keselleýärler. Şol sebäpden aýalym 1 hepde ýa-da 10 gün çaga seretmek üçin (bolniçnyý) (1 çaga üçin) (bolniçniý töleglimi?) rugsat alýar. Yzyndan beýleki gyzym hem keselleýär, şonuň ýaly ýagdaýda men çaga seretmek üçin bolniçnä çykyp bilýänmi ýa-da aýalym 1 aýyň dowamynda 2 gezek bolniçnyý alyp bilýärmi? 

Gepatit A (sarygetirme) keseli bilen kesellände, işleýän ene-ata, çaga seretmek üçin zähmeti ukupsyzlyk haty näçe günlik berilip bilinýär? Lukmanlaryň aýtmaklaryna görä, şo kesel bilen kesellän çaga 3 ýa-da 6 aý berhiz tutmaly, köpçülik ýerine bolmaly däl diýýärler. Şu barada düşündiräýseňiz. Öňünden minnetdarlygymy bildirip, jogabyňyza sabyrsyzlyk bilen garaşýan...

Saýtyň okyjysy.